النهاردة

قومى يامه  يله  قومى


قصيدة لشاعر الغلابه  عبدو المصرى



قومي يامه يلا قومي
واحكمي بينه وبيني
اصل اخويا زي نفسي
وشايله يامه فـ نن عيني
قال هاصونك ياابن امي
زرع ايدك طرح غالي
قال هاشيل المر عنك
راح احطك فـ العلالي
بس يامه لقيته قاسي
داس عليا ووطي راسي
اصله شايف اني خاين
ناس قالو له اني واطي
ناس هدفهم يقتلونا
يفرحوا لو فرقونا
لجل شمسك ياحببتي
تختفي وضهرك يطاطي
لو عليا انا وحدي يامه
طول حياتي كتير بقاسي
مش هاقول انا حقي عنده
واجري ازود فـ المأسي
بس عايز حقي منه
لما داس اختي بمداسه
ترضي يامه يهين بناتك؟؟
ترضي توب العفه فيهم
ينقطع وتوطي راسك؟؟
لو رضيتي انا هانسي حقي
لجلك انتي تهون كرامتي
!!بس حق الغاليه بنتك
!!مين يجيبه لو سكتي
قولي يامه شايفه ايه؟؟
دي الصور قالت كفايه
والزمن شاهد عليه
دا الزمن شاهد عليه