النهاردة

غاليه  دموعك  ياعاليه

اهداء  لكل  ام  مصريه  وكل  ام  شهيد

قصيدة   للشاعر   عبدة  المصرى

غاليه دموعك يا غاليه
كل دمعه من دموعك
كل صرخة بين ضلوعك

تار هناخدة ماللى خانوا
ماللى رخص دم ابنك
خان ضميرة ودم هانوا
بس دمعك والله غالى
اوعى يبين يوم خضوعك
دمعك ثورة لكل بيت
دمعك صحى حاجات كتير
دمعك فجر جديد لبكرة
فجر جاى اسمه الضمير
وحياة دمعك عاللى راح
وحياة الم الجراح
دم ابنك جاى جاى
طول مافينا نبض حى
ولا نقبل يوم سماح
اى رصاصه فى قلب ابنك
هيه صابت كل مصرى
وان كان الشهيد دة ابنك
هوة برضه ابن لينا
هوة صحيح ابنك ضناكى
بس مصر اهى معاكى
دم احمد دم مينا
تارهم بقى مفروض علينا
بكرة يشهد رمل سينا
بس اقولك كلمة ليكى
كل مصر بتناديكى
خلى راسك فوق وعاليه
وكل دمعه من عنيكى
غاليه دموعك يا غاليه

مع  تحياتى  شاعر  الغلابه

عبدة  المصرى