مبقتش عايز من الدنيا حاجه

بقلم / عماد رمزى

مبقتش عايز من الدنيا

حاجه غيرك انتى يا حبيبتى

مانتى بقيتى كل حاجه

وكل حلم انا حلمته فى دنيتى

***

حياتى قبلك يا حبيبتى

حياه مش قادر اوصفها

كانت حياه من غير حياه

حياه عايشها مش حاببها

***

ولما شفتك انتى

اتغيرت الدنيا فى عنيا

وبقا ليها طعم تانى

ما انتى كونتى اجمل هديه

***

حسيت انى عايش

وإنى لسه بيا حياه

ومبقتش يا حبيبتى شايف

غيرك انتى فى الحياه

***

ودلوقتى بحلم باليوم

اللى هنكون فيه سوا

يا اجمل نجمه شدتنى

من وسط نجوم السما

***

بحلم بـ حبنا

يعيش ومينتهيش

على مر السنين

بحلم اخلد اسمنا

جنب اسامى العاشقين

***

يا نجمه

نورت قلبى جوايا

يا  نسمه

غيرت كل دنيايا

اوعدينى تكونى جنبى

وتفضلى ديما معايا